“mi wile musi e musi pi anpa ma kepeken sitelen pona.”
sina musi kepeken ilo pi lipu ale (sama ilo Firefox, sama ilo Chrome) la o >sitelen pona taso. sina ken musi lon ni!
pona a!
“taso mi musi kepeken ilo ante!”
a… kepeken ilo ante la, sina wile pali.
- o kama e sitelen nasin nanpa.
- musi la o >sitelen pona.
- o lawa e ilo sina. ilo sina li wile kepeken sitelen nasin nanpa. sina musi kepeken ilo seme? sina musi kepeken ilo Lectrote, anu ilo Frotz for iOS, anu ilo Windows Glulxe, anu ilo Glulxe, anu ilo Gargoyle, anu ilo Spatterlight?
“mi musi kepeken ilo Lectrote.” 
ilo Lectrote li ken pali kepeken sitelen nasin nanpa. o lawa sama ni:
(ni li pakala lili. palisa sewi li nasa.)
“mi musi kepeken ilo Frotz for iOS.” 
ilo ni la sina wile pali mute.
- o kama jo e ilo pi sitelen ante sama ilo Fontcase. (ilo iOS la sina ken ilo e sitelen ante kepeken ilo pi sitelen ante taso. ilo iOS li nasa.)
- o kama e nasin nanpa kepeken ilo Fontcase.
- ilo Frotz la o luka e musi “anpa ma”.
- o luka e ⓘ lon sewi.
- o luka e «Story Font».
- o luka e “nasin nanpa”.
taso sitelen suli li pakala. o lukin:
sina lili e sitelen kepeken «Story Font Size» la sina lili e pakala:
(taso pipi taso li ken lukin e sitelen lili ni!)
“mi musi kepeken ilo Windows Glulxe.” 
sona mi la ilo ni li ken ala toki kepeken sitelen pona. (sina ken la o toki e nasin tawa mi.)
“mi musi kepeken ilo Glulxe lon ilo selo.” 
sina musi kepeken ilo Glulxe kepeken ilo selo seme?
- ilo selo gnome-terminal li ken ala toki kepeken sitelen pona.
- ilo selo Kitty la sitelen pona li nasa lukin.
- ilo selo Konsole la sitelen pona li nasa lukin.
sina ken ala ken musi kepeken sitelen pona kepeken ilo selo ante? mi sona ala.
“mi musi kepeken ilo Gargoyle.” 
sona mi la ilo ni li ken ala toki kepeken sitelen pona.
ilo Gargoyle li ken ante e sitelen. taso mi pali ni la ona li pakala sama ilo selo gnome-terminal.
“mi musi kepeken ilo Spatterlight.” 
nanpa wan la, sina wile la, o pali e kule sin lon lipu «Themes».
o lawa e sitelen lon lipu «Glk Styles».
- o ante e «Proportional Font» tawa nasin-nanpa
- o ante e «Monospaced Font» tawa nasin-nanpa
- o ante e «Buffer Input» tawa nasin-nanpa
ken la o suli e nanpa «Grid Normal» «Max line height». ona li wile kama “20” anu suli mute.
nasin ni la sitelen li kama pona sama ni:
“mi ken ala ken musi kepeken ilo Wakalito?” 
sina ken!
ilo Wakalito li ken ala sitelen e “Inli” lon >esun e lipu pi toki Inli. taso sina wile ala e nimi nasa ni. sina ken >esun e lipu toki anu >esun e lipu taso.